Takhalya Darkar Hai , Had e Adab Aamad e Asha'ar Hai , Had e Adab

تخلیہ درکار ہے، حدِ ادب
آمدِ اشعار ہے، حدِ ادب

آئینہ خانہ ہے ساری کائنات
ہر جگہ ہی یار ہے، حدِ ادب

کون سمجھے گا دلا تیری زباں
محفلِ اغیار ہے حدِ ادب

جا رہا ہے صرف لٹنے کے لیے
قافلہ تیار ہے حدِ ادب

جنس ہر انمول ہوتی ہے یہاں
عشق کا بازار ہے حدِ ادب

پھر تلاطم ہے فشارِ خون میں
آمدِ دلدار ہے حدِ ادب

ہم پہ لازم ہے رقیبوں کا لحاظ
یہ بھی حکمِ یارِ ہے، حدِ ادب

خامشی نافذ ہے ان کے شہر میں
بولنا دشوار ہے حدِ ادب

کیا گراں ہو طبعِ نازک پر امـؔر
حسن کا دربار ہے حدِ ادب
امـؔر رُوحانی

Hat ke dekhen ge usay raunaq e mehfil se kabhi Sabz mausam mein to har paed haraa lagta hai

ہٹ کے دیکھیں گے اسے رونقِ محفل سے کبھی
سبز موسم میں تو ہر پیڑ ہرا لگتا ﮬﮯ
عرفان صدیقی

Hat ke dekhen ge usay raunaq e mehfil se kabhi
Sabz mausam mein to har paed haraa lagta hai
Irfan Siddiqui

Nazar darkar hai bas sun-ne sunane wali Har ek khamosh chehra bolta hai

نظر دركار ہے بس سننے والی
ہر اِك خاموش چہرہ بولتا ہے
امـؔـر رُوحانی

Nazar darkar hai bas sun-ne sunane wali
Har ek khamosh chehra bolta hai
Amer Roohani

Dakh Li Dunya Ki Ronaq Sari Jhilmil Daikh Li Bhar Gaya Dil Ab Yahan Se Teri Mehfil Daikh Li

دیکھ لی دُنیا کی رونق ساری جِھلمِل دیکھ لی
بَھر گیا دِل آب یہاں سے تیری محفل دیکھ لی
ہم غریبوں کے لئے ہر دن نیا چیلنج تھا
زندگی کرنی یہاں کتنی تھی مُشکِل دیکھ لی
جنگ دیکھی اِک مُسلسل جُھوٹ سے سَچّائی کی
 کشمکش اک  درمیانِ حق و باطل دیکھ لی
تیری صورت دیکھ کر آیا کسی دل کو قرار
تیری آنکھوں میں کسی نے اپنی منزل دیکھ لی
زندگی سے اب کوئی شکوہ نہیں ارشد مجھے
 مرتے مرتے اک نظر وہ چشمِ قاتل دیکھ لی
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania

Ghair Ho Kar Bhi Apne Hote Hein Log Dunya Mein Aise Hote Hein

غیر ہو کر بھی اپنے ہوتے ہیں
لوگ دنیا میں ایسے ہوتے ہیں
کل صُبح تُمکو خواب میں دیکھا
خواب صُبح کے سچّے ہوتے ہیں
لوگ اچھے وہی ہیں دنیا میں
جو برتنے میں اچھے ہوتے ہیں
ایک پردھان منتری کو سُنا
کُچھ بڑے کِتنے چھوٹے ہوتے ہیں
کیا تغافل کا ان سے شکوہ ہو
مسئلے اپنے اپنے ہوتے ہیں
خود پسندی ہے حُسن میں لیکن
کان بھی ان کے کچّے ہوتے ہیں
بات سپنوں کی کیا کریں ارشد
سپنے آخر کو سپنے ہوتے ہیں
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania

Ihsas Se thay Aari Be-Jan Patharon Se Us Shehar Mein Mily Sab Insan Patharon Se

احساس سے تھے عاری بے جان پتھروں سے
اُس شہر میں مِلے سب انسان پتھروں سے
یاقُوت عقیق، نیلم،  پُکھراج  یا  زُمرّد
قِسمت کی ہو رہی ہے پہچان پتھروں سے
دنیا کے حادثوں نے مضبُوط کر دیا ہے
ٹَکرا کے رُک گئے ہیں طوفان پتھروں سے
دیوانہ ہوں میں تنہا شیشے کے اِک شہر میں
سب  بھر گیا ہے گھر کا دالان پتھروں سے
نادان کیوں توَقّع اُن سے وفاؤں کی ہے
ارشد کیا ہے تم نے رومان پتھروں سے
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania

Barson Se Tera Saath Hai Na Kuch Khabar Teri Takta Raha Hai Raah Koi Umar Bhar Teri

برسوں سے تیرا ساتھ ہے نہ کُچھ خبر تیری
تکتا رہا ہے راہ کوئی عُمر بھر تیری
مُدت کے بعد چاند سا چہرہ حسیں دِکھا
دیکھا تو دُور سے ہی اُتاری نطر تیری
دیکھیں وصال یار ہے کس کے نصیب میں
ٹہرے گی کس کے چہرے پہ جا کر نظر تیری
آئی سحر تو بُھول گئے ہم غمِ فراق
بادِ نسیم بن گئی پیغام بر تیری
ارشد کوئی بتا دے اسے مر چکا ہوں میں
مرقد کسی غریب کی ہے منتظر تیری
مرزا ارشد علی بیگ
Mirza Arshad Ali Baig
آڈبان پینسلوانیا
Audubon Pennsylvania